نعت
خالق کا ہے مخلوق پہ احسان محمد
بخشش کا سر حشر ہے سامان محمد
سمجھے کوئی اتنے نہیں آسان محمد
انسان کی صورت ہیں قرآن محمد
رکھتے ہیں زمانے سے الگ شان محمد
ہے ارض و سما جسم تو پھر جان محمد
دیکھے تو کوئی حق کی ہے پہچان محمد
باطل کے لیے جنگ کا اعلان محمد
پھر یوں ہوا کہ وقت کی سانسیں ہی تھم گئیں
جب عرش بریں پہ ہوئے مہمان محمد
اک راز تھا کہ غربت کے لبادے میں بسر کی
دنیا کے سلاطین کے ہیں سلطان محمد
مجھ جیسے گنہگار کو کملی میں چھپا کر
رکھ لیں گے سر حشر میرا مان محمد
صلی اللہ علیہ وآلہ واصحابہ وسلم
Good Naat in Urdu
ReplyDelete